Daim öz işində keyfiyyəti üstün tutan SEM-AZ “SGS” şirkəti tərəfindən beynəlxalq ISO 9001:2015 sertifikatını əldə etmişdir. System Certification Services (SGS) müstəqil sertifikatlaşdırma orqanıdır. Sistem Sertifikatlaşdırma Xidmətləri (SGS) sistemlərin sertifikatlaşdırılmasında ən son yenilikləri təklif edən və keyfiyyət konsepsiyalarını təşviq edən yüksək təcrübəli mütəxəssislərdən ibarət beynəlxalq sertifikatlaşdırma qurumlarından biridir.  Bu sertifikat keyfiyyətli idarəetmə sisteminə tələbləri müəyyən edir. Dünyanın 100-ə yaxın ölkəsindən olan ekspertlərin iştirakı ilə hazırlanan bu sertifikat ISO-nun 176 saylı texniki komitəsi tərəfindən hazırlanmışdır. 

ISO 9001:2015 keyfiyyət idarəetmə sistemi (KMS) üçün meyarları əks etdirən ISO 9001 standartının ən son versiyasıdır. Beynəlxalq Standartlaşdırma Təşkilatı (ISO) bu standartı təşkilatlara məhsul və ya xidmətlə bağlı qanunvericilik və tənzimləyici tələblərə cavab verərkən müştərilərin və digər maraqlı tərəflərin ehtiyaclarına cavab verməsini təmin etmək üçün bu sertifikatı hazırlamışdır.

Sertifikat təqdim olunarkən şirkətimizin bir sıra keyfiyyət göstəricilərinə nəzər salınmışdır. Bunlar arasında riskə əsaslan düşüncə tərzi, proseslərə yanaşma, liderlik qabiliyyəti və öhdəliklər, performans qiymətləndirilməsi, davamlı təkmilləşdirmə, sənədləşmə işlərində çeviklik, müştərilərə göstərilən diqqət səviyyəsi, yüksək səviyyəli idarəetmə strukturu yer alır. 

SEM-AZ olaraq qeyd olunan keyfiyyət göstəricilərini daim öz prioritetlərimiz sırasına daxil edirik. 

Sizə keyfiyyətli xidmət etməkdən olduqca məmnunuq!